Bashkesia Dibrane

Njoftim

Në kuadrin e aktiviteteve të Shoqatës “Bashkësia Dibrane” Kryesia SH.B.D.-së fton të gjithë intelektualët, studiuesit, familjet dibrane, studentët, artdashësit, si dhe të gjithë ata që kanë mundësi për të kontribuar për promovimin dhe ruajtjen e traditës dibrane, që të dërgojnë materiale studimore, historike, shkrime të ndryshme në poezi, prozë apo ese, fotografi, si dhe mendimet e opinionet e tyre, reflektime apo kujtime, që kanë të bëjnë me tematikat e përmendura më sipër, apo që disponojnë materiale, fotografi, dokumente të ndryshme zyrtare dhe që kanë të bëjnë mbi rolin dhe kontributin e politikanëve dibranë në zhvillimin, forcimin dhe konsolidimin e institucioneve kombëtare të vendit.
Kjo iniciativë do t’i shërbejë si një mundësi më e mirë për të forcuar lidhjet midis familjeve dibrane që jetojnë në Tiranë dhe aktiviteteve të Shoqatës tonë. Gjithashtu këto materiale do të shohin dritën e botimit në formën e një reviste elektronike dhe në një të ardhme të afërt në format letre. Materialet që do të dërgohen mundësisht të jenë në format elektronik, për më shumë informacion mund të kontaktoni në adresat e mëposhtme.
Për këtë qëllim i ftojmë të gjithë ata që kanë mundësi financiare, si dhe biznesmenët dibranë që të japin kontributin e tyre për këtë projekt.
Duke ju falënderuar përzemërsisht, mirëpresim vullnetin tuaj për bashkëpunim në këtë projekt.

Adresat e kontaktit:
Dr. Faruk Borova,
Kryetar i Shoqatës “Bashkësia Dibrane”
rr. Saraçëve, nr. 23, Tiranë, Shqipëri
Mob: 00355 68 22 08 350
Email: farukborova@gmail.com



Roald A. Hysa
Sekretar i Përgjithshëm i Shoqatës “Bashkësia Dibrane”
rr. Saraçëve, nr. 16, Tiranë, Shqipëri.
Mob: 00355 67 25 32 783,
Email: roald.hysa@gmail.com

Web: bashkesiadibrane.blogspot.com
Email: dibranebashkesia3@gmail.com