Saturday, January 12, 2019

SHBD TAKIM ME INSTITUCIONIN E PRESIDENTIT TE REPUBLIKES SHK. TIJ Z. ILIR META

Ditën e enjte, datë 10 janar 2019, një përfaqësi e Shoqatës "Bashkësia Dibrane", u ftua nga Insitucioni i Presidentit të Republikës në një takim audiencë me Kryetarin e Shtetit, Shk. tij, Z. Ilir Meta. Në këtë takim mernin pjesë një përfaqësi nga Kryesia dhe Këshilli i të Urtëve i SHBD-së si dhe këshilltari i Presidentit të Republikës z. Ylli Asllani.




Presidenti Ilir Meta, vlerësoj rolin dhe kontributin disa vjeçar të Shoqatës "Bashkësia Dibrane", e themeluar më 1908 nga lëvizjet kombëtare dhe vlerat e komunitetit dibranë në tërsi. Ai u njoh me SHBD e cila përfaqëson komunitetin dibran në Tiranë, të cilët si pasojë e genocidit dhe e kryengritjeve të vitit 1913 lanë vendin e tyre,  Dibrën e Madhe, për tu vendosur në Tiranë e më gjerë.


Një rezyme të veprimtarisë së shoqatës ju bë edhe nga kryetari i SHBD-së z. Bujar Kapexhiu, ndërsa në emër të komunitetit dibranë në Tiranë dhe shoqatës "Bashkësia Dibrane", ju dhuruan Presidentit Ilir Metës dhe Akti i Shpalljes së Pavarësisë  Kombëtare me firmëtarët e saj ruajtur nga arkiva familjare e Faik Shatkut dhe botimet më të fundit me autor e studiues dibranë.

                           

Presidenti i Republikës, Ilir Meta vlerësoj punën dhe angazhimin e komunitetit dibranë për ruajten dhe gjallërimin e traditës dhe të bashkëjetesës me komunitetet e tjera, në frymën e mirëkuptimit, harmonisë dhe qytetarisë.   Gjithashtu ai shprehu dëshirën për tu takuar së shpejti në aktivitetet e shoqatës "Bashkësia Dibrane".

Friday, January 11, 2019

KOMPOZITORI AGIM KRAJKA NDEROHET ME DEKORATEN "NDER I KOMBIT"

Ju përcjellim lajmin se Presidenti i Republikës së Shqipërisë Shk. Tij, z. Ilir META, ka vlerësuar me dekoratën "Nder i Kombit", kompozitorin, muzikologun dhe instrumentistin e shquar, pjesë e komunitetit dibranë në Tiranë, Mjeshtrin e Madh z. Agim Krajka. 
Dekorata  ju dedikua z. Krajka, për të gjithë veprimtarinë e tij disa vjeçare në aktivitetin e organizuar nga Teatri Kombëtar i Operas, Baletit dhe Ansamblit Popullor me titullin: "Të gjithë e duan Agim Krajkën"

  Pamje nga dekorimi i Agim Krajkës me titullin "Nder i Kombit"

Ky dekorim i jepet Mjeshtrit Krajka nga Presidenti i Republikës, me motivacionin:
"Për kontributin e shquar në fushën e kompozimit, ekzekutimit dhe  përpunimit të muzikës së lehtë dhe  popullore Shqiptare, si dhe për transmetimin e vlerave më të spikatura shpirtërore të kulturës sonë te brezat e rinj."

                                       
                                  Kompozitori Agim  Krajka duke u dekoruar



Dekreti i Presidentit për Agim Krajkën

Shoqata "Bashkësia Dibrane", Kryesia e saj dhe Këshilli i të Urtëve i SHBD-së, i urojnë mjeshtrit Krajka, familjes së tij dhe dashamirësve, urime për dekorimin dhe shumë suksese, mbarësi dhe  shëndet.

KRYESIA DHE KESHILLI I TE URTEVE 
               "BASHKESIA DIBRANE"

Wednesday, December 26, 2018

URIMI I SHBD PER VITIN 2019


Të nderuar miq !
Kishim kënaqësinë që përgjatë vitit 2018 të ishim prezent në sofrat tuaja me aktivitetet e Shoqatës "Bashkësia Dibrane".  Dëshirojmë gjithashtu në këtë rrugëtim të jemi përsëri sëbashku me veprimtaritë  e Shoqatës tonë, në çdo shtëpi dibrane, përmes sygjerimeve, meszheve, kërkesave dhe urimeve që ju mund të na i drejtoni përmes email të SHBD.

Kryesia dhe Këshili i të Urtëve i SHBD-së, gjejnë rastin të urojnë çdo familje me kartolinën e vitit 2019.

Me fat, mbarësi dhe shëndet 2019 !



Wednesday, December 19, 2018

TELEGRAM URIMI PER KRYETARIN E RI TE KOMUNES DIBER E MADHE

Shoqata "Bashkësia Dibrane", i ka dërguar telegram urimi zgjedhjes së kryetarit në detyrë të Dibrës së Madhe, Maqedoni, z. Eugjen Cami, pas ndarjes nga jeta të Kryetarit të saj, z. Ruzhdi Lata;



I nderuar z. Eugjen CAMI
 KRYETAR NE DETYRE KOMUNA 
   DIBER E MADHE-MAQEDONI

I nderuar z. Bashkim MASHKULLI
KRYETAR I KESHILLIT KOMUNAL
                                                                                              -TIRANE ME, 18.12.2018-

Shoqata "Bashkësia Dibrane" dhe "Këshilli i të Urtëve", ju shprehin juve z. Eugjen Cami urimet më të përzemërta të mbarë Shoqatës "Bashkësia Dibrane", të Komunitetit Dibranë në Tiranë, për përzgjedhjen e tuaj, si ushtrues i detyrës së Kryetarit të Komunës Dibër e Madhe, Maqedoni, pas ndarjes nga jeta të Kryetarit të Komunës Dibër e Madhe, mik i Shoqatës "Bashkësia Dibrane", dhe i mbarë komunitetit dibranë në Tiranë, z.Ruzhdi Lata.

I urojmë z. Eugjen Cami suksese në detyrën dhe vazhdim të bashkëpunimit me veprimtaritë e shoqatës "Bashkësia Dibrane" dhe aktiviteteve social-kulturore dhe veprimtarive të tjera solemne, të inistucioneve tona.

Me respekt,
Prof. Bujar KAPEXHIU
KRYETAR SHBD
(Mjeshtër I Madh &; Kalorës i Urdhërit të Skënderbeut)

PhD., Dr. Saimir SHATKU
SEKRETAR I PERGJITHSHEM SHBD


Prof. Ing. Tofik JEGENI
(Mjeshtër i Madh)
     KRYETAR 
 "KESHILLI I TE URTEVE" SHBD

Tuesday, December 4, 2018

KONFERENCA ME TEME: JUBILEU I SKENDERBEUT NE 110 VJETORIN E SHOQATES "BASHKESIA DIBRANE"

Të nderuar miq !

Ju ftojmë të na nderoni me pjesëmarrjen tuaj në aktivitetin me rastin e Vitit Mbarëkombëtar të GJ.K.Skënderbeut dhe të eventit të veçantë me rastin e 110 vjetorit të themelimit të shoqatës "Bashkësia Dibrane";

Aktiviteti do të mbahet ditën e shtunë, datë 8 dhjetor 2018, ora 11:00 në sallën "Arbret", 
Hotel Tirana Internacional, kati II.

Bashkangjitur  keni ftesën !

Prania Juaj do të na nderojë aktivitetin !

KRYESIA DHE KESHILLI I TE URTEVE
          "BASHKESIA DIBRANE"

      
  "



Tuesday, November 27, 2018

GEZUAR 28 NENTORIN, DITEN E PAVARESINE KOMBETARE

Të nderuar miq dhe dashamirës, 
pjesë e komunitetit dibranë e më gjerë !

Kemi kënaqësinë e veçantë t'ju urojmë çdo familjeje, individi dhe insitucioni  Shqiptar, 
Gëzuar 28 Nëntorin 2018, ditën e Pavarësisë Kombëtare!

Respekt, nderim dhe kujtim, për të gjithë ato që kontribuan duke dhënë jetën e tyre për krijimin e Indipendencës Shqiptare dhe të shtetit shqiptar.

Gjejmë rastin t'ju urojë juve të nderuar  miq, bashkëkombasit tonë në trevat Shqiptare dhe diasporë me kartolinën e urimit për festën, me dokumentin origjinal të Shpalljes së Pavarësisë të 28 nëntorit 1912;

Jua uronë festën !

KRYESIA & KESHILLI I TE URTEVE SHBD
    SHOQATA "BASHKESIA DIBRANE"
                TIRANE-SHQIPERI




 



DOKUMENTI I SHPALLJES SE PAVARESISE SE SHQIPERISE 28 NENTOR 1912 DHE DELEGATET QE KANE PATUR FATIN PER TA FIRMOSUR