VIZITE VLLAZERORE NE AMBASADEN E REPUBLIKES SE TURQISE

Ditën e enjte, datë 04 korrik 2019, një përfaqësi e Shoqatës "Bashkësia Dibrane",  zhvilloj një takim vllazëror e tepër miqësor me Ambasadorin Fuqiplotë të  Republikës së Turqisë në Tiranë,  Shk.Tij,   z. Murat Ahmet Yörük.
Në këtë takim shoqata "Bashkësia Dibrane" përfaqësohej nga Kryetari i SHBD-së, z. Bujar Kapexhiu, nga Sekretari i Përgjithshëm i SHBD-së z. Saimir Shatku, nga Kryetari i "Këshillit të të Urtëve" z. Tofik Jegeni, si dhe nga mjeshtri qëndistar, pjesë e komunitetit dibran në Tiranë,     z. Qeram Erebara Kazazi.

Pamje nga dhënja e dhuratave për Ambasadorin e Turqisë në Tiranë Sh.Tij.z.Yörük

Me interes në këtë takim vllazëror dhe emocional, nga ana e Ambasadorit Yörük, ishte njohja nga afër e aktivitetit të shoqatës "Bashkësia Dibrane", që nga themelimi i saj më 1908 e deri më sot.
Kryetari i Shoqatës z. Bujar Kapexhiu, bëri një rezyme të shoqatës dhe aktivitetet e saj, duke evidentuar dhe radhitjen e shoqatës "Bashkësia Dibrane", tek ato shoqata patriotike e kulturore të cilat firmosën deklaratën e demokracisë dhe kundër grushtit të shtetit të 15 korrikut të 2016, si një veprim anti-kushtetuese dhe rendit ligjor të Republikës së Turqisë.
                             
                       
                           Dhuratat për Ambasadorin e Republikës së Turqisë në Tiranë

Ndëra Kryetari i "Këshillit të të Urtëve" z. Tofik Jegeni, informoi shkëlqesinë e tij, z. Ambasador Yörük mbi diasporën dibrane gjatë viteve 1912-1913 dhe vendosjen e tyre në Turqi.  Zoti Jegeni tha se,  më shumë Shqiptar ka sot në Turqi, sesa ka Shqiptar në Shqipëri, të cilët jetojnë dhe punojnë e kontribuojnë për ekonominë e tyre.


                 
                      Pamje me dy flamujt kombëtar, të Shqipërisë dhe Turqisë


               
                        
Ambasadori i Fuqiplotë i Republikës së Turqisë në Tiranë, z. Murat Yörük, e vlerësoi vizitën e shoqatës "Bashkësia Dibrane", si dhe rolin e kontributin e Shqiptarëve sot në Turqi, e në veçanti të komunitetit dibran në Turqi.  Ai  me emocion radhiti shoqatës "Bashkësia Dibrane", në emrat e atyre shoqatave dhe shoqërive civile, që janë pro demokracisë, pro shtetit dhe kushtetutës dhe progresit të vendit, e që firmosën deklaratën kundër dhunës së 15 korrikut të 2016, ku humbën jetën 251 shtetas  të pafajshëm dhe paqësor të Turqisë.
                 

               
                     Dhuratat për Presidentit e Republikës së Turqisë Rexhep T. Erdogan

Në shenjë respekti dhe mirënjohje për gjithëshka ka bërë Turqia për Shqipërinë, Shoqata "Bashkësia Dibrane", kishte përgatitur nga duart e qëndistarit artizan, mjeshtit Qeram Erebara Kazazi,  pjesë e komunitetit dibran në Tiranë, flamujt e kombit Shqiptar dhe atij Turk, me fije ari, dhe nga një çantë tradicionale me simbolet kombëtare. Këto dhurata ju dhuruan një për Ambasadorin Yörük dhe një për mikun e kombit Shqiptar, Presidentin e Madh të Republikës së Turqisë Shk. Tij, Z. Taip Rexhep Erdogan.

Ambasadori i Turqisë i mirëpriti dhuratat me emocion, i cili mori angazhim të njoftoj menjëherë Presidentit e Republikës së Turqisë z. Erdogan dhe për t'ja dërguar në Turqi, dhuratat e komunitetit dibran për të, si dhe për dëshirën e madhe për tu takuar me të,  në aktivitetet e  organizuara nga Ambasada  e  Republikës së Turqisë.