REAGIM MEDIATIK I PROJEKTUESIT TE RRUGES SE ARBERIT ING. FARUK KABA

Të nderaur miq !

Duke qënë se ka pasur kërkesa të shumta për leximin e reagimit të Inxh. Faruk Kabës, për të vërtetat e ndërtimit të Rrugën së Arbërit, shoqata "Bashkësia Dibrane" Tiranë, gjen rastin  të publikojë shkrimin autentik të autorit në faqen zyrtare  të SHBD;

SHKRIMI  NGA  ING. F. KABA

E dëgjova intervistën e ministrit Haxhinasto në parlament për rrugën e Arbërit. Një turp i vërtetë. Mbeta i shokuar! Vetëm kjo intervistë do të mjaftonte për të dhënë dorëheqjen. Mbushur me gënjeshtra dhe me elementë, që tregojnë se është ose gënjeshtar ose krejt i paaftë dhe i papërgjegjshëm. Këtë e them me kompetencë të plotë, pasi pretendoj se e njoh më mirë se kushdo ecurinë dhe zhvillimin e kësaj vepre të rëndësishme të infrastrukturës.

Po i rendis kronologjikisht faktet:

-         Ministri tha se rruga është filluar në vitin 2008. Në të vërtetë është që në vitin 2003, kur është shpallur dhe realizuar studimi i fizibilitetit. Madje deri në 2008 ishin realizuar disa punime dhe përfunduar seksioni Bulqizë - Ura Çerenecit. Nuk mund të themi se nuk ka rëndësi, sepse ai është minister dhe nuk mund të dalë para parlamentit dhe në media dhe të thotë pasaktësira të tilla.

-     Ministri tha se rruga shkurton 50 kilometra. Edhe kjo nuk është aspak e vërtetë, se rruga shkurton 81 kilometra fizike. Edhe nëse nuk e di zoti Ministër duhej t’ja kishin thënë ekspertët e tij. Madje, në një tregues, që perdoret rëndom në inxhinieri, që quhet gjatësia virtuale dhe qëështë gjatësia e vërtetë e shkurtuar, ky shkurtim është më shumë se 100 kilometra. Edhje kjo është njëpavërtetësi nga ana e tij. E konsideroj kështu dhe reflektoj, pasi është ai që më ka pyetur: o Faruk, ç’na duhet kjo rruga e Arbërit? Kujt i hyn në punë? Dhe kë pyeti, mua! Po siç duket, këtë e bën, se thotë me mendjen e tij “se ky milet kaq merr vesh”. Dhe është qesharake, se vetëm para disa muajsh ka deklaruar në televizion, për një investim absurd, sic është rruga Qukës-QafPlloçe, kur gënjeu se shkurton 50 minuta (kohë udhëtimi, që do të thotë reth 60-70 kilometra rrugë), kur në fakt atje shkurtimi nuk është veçse 2-3 kilometra. Gënjeu dhe nuk e tha me kilometra se i dilte gënjeshtra, por e tha me kohë udhëtimi. Le ta trajtojmënjëherë tjetër.

-         Ministri tha se rruga kalon ne kuote 930 metra mbi nivelin e detit (kjo është vetëm një pikë) dhe do të ketë aq e kaq probleme etjer etjer sajesa të pavend. Që kalon në këtë kuota është e vërtetë, por kjo është vetëm një pikë, krejtësisht e evitueshme nga problemet e dimrit. Por, zoti Minister, rruga që ka filluar të investoni Qukës-Qaf Thane, e cila kalon për reth 20 kilometra (jo në një pikë të vetme) në lartësi 1000 metra mbi nivelin e detit dhe në mëse 3 kilometra në lartësi mbi 1250 metra?! Çfar do të ndodhë me atë rrugë? Përse nuk e përmendni këtë fakt? Kjo është katastrofike dhe e turpëshme.

-         Ministri gënjeu rëndë kur tha se rruga e Arbërit nuk është planifikuar për 6.5 kilometrat e fundit. Edhe kjo është sarkastike dhe brenda saj ka të vërtetë dhe tëpavërtetë. E vërtetë është, që akoma edhe sot pas gati 13 vjetesh, qëështë realizuar studimi i kësaj vepre, që segmenti nga Ura Cerenecit deri ne kufi në Gjoricë ka mbetur pa hartuar projekt zbatimi, njëkohësiaht planifikimi. Është e pavërtetë, që kjo distancë nuk është 6.5 kilometra, por vetëm 3.7 kilometra dhe kjo për fajin e dikasterit tuaj dhe strukturave që ai drejton.

-       Gënjen dhe disinformon kur thotë se 10 kilometra (në fakt janë jo 10 por 13.2 kilometra) nga Ura Vashes deri në Bulqizë të përfunduara. Për këtë e “kapi mat” deputetja Doda, e cila ja tha troç, se ky segment nuk është aspak i përfunduar. Kjo tregon që, ose ai gënjen pa skrupull ose nuk e njh gjendjen. Njëra më keq se tjetra! Në këtë segment është realizuar edhe njëçudi tjetër: tuneli i projektuar me gjatësi 890 ml, u shkurtua në reth 350m, dicka e tille, ndoshta nga administrata e mëparshme. Por kjo nuk ka rëndësi, pasi me të u krye një masakër teknike, e cila do të duhej të ndëshkohej në mënyrë shembullore, nëse me të vërtetëpretendohet per seriozitet në këto punë, pasi tani duhet të bëhen ndërhyrje të paimagjinueshme për të mbrojtur segmentin e kthyer në usek. Kush është inxhinier e kupton se çfar duam të themi me këtë.

-       Ministri përmendi edhe një kompani fantazëm shqiptare, që gjoja paska marrë përsipër të ndërtojë rrugën. Unë nuk i besoj, por nëse është e vërtetë, përse nuk e publikon. Format e propozimit janë shumë të qarta: ose me Koncesion ose PPP. Propozuesi duhet të veprojë sipas legjislacionit shqiptar, që sqaron dhe i jep mundësi edhe propozimeve të pakërkuara. Përndryshe dyshojmë se është një aferë korruptive. Apo bën sikur është i impenjuar me këtë projekt?

-        Dhe e fundit, i dashur Bujar: Une, personalisht, Faruk Kaba, ideator dhe autor i kësaj rruge, i kam dorëzuar zyrtarisht një propozim konkret shumë realist, për ndërtimin e rrugës, me nje shifër disa herë më të ulët se oferta “cinike” kineze, që sipas Haxhinastos, qenka përsëritur 5 herë. E bëra këtë propozim, pikërisht kur pashë propozimin kinez. Por të dalim tek propozimi im. Ai nuk pati as impenjimin më të vogël, për të urdhëruar specialistët (apo pseudospecialistët) e tij, që ta merrnin në konsideratë dhe të jepnin një përgjigje. Madje kjo duhej të ishte dhe një detyrim shoqëror dhe moral, pasi ai drejton atë dikaster, që quhet Transporti. Por mesa duket atë nuk e ha meraku shumë për këto lloj detyrimesh, se e ka kuptuar se mund të tallet sa të doje me ne dhe këtë popull, që po vuan për dekada nga mungesa e kësaj infrastrukture.

.