Wednesday, September 22, 2010

Mbledhje Kryesie


Mbledhja e radhës së Kryesisë së SHBD-ne.

Ditën e Hënë, më dt. 20 Shtator 2010, u mblodh Kryesia e Shoqatës Bashkësia Dibrane.
Të pranishëm në këtë mbledhje, ishin anëtarët e Kryesisë së Shoqatës Bashkësia Dibrane si më poshtë:

1. Faruk Borova ( Kryetar)
2. Avni Ndreu ( N/Kryetar)
3. Luan Pustina (Departamenti Ekonomik)
4. Bujar Kapexhiu (Departamenti i Aktiviteteve Kulturore dhe Sportive)
5. Saimir Shatku (Departamenti Juridik dhe Marrëdhënieve me Jashtë)
6. Ermal Hoxha (Departamenti i Financës dhe Llogarisë Bankare)
7. Islam Sharofi (Departamenti i Figurave Historike dhe Ngjarjeve)
8. Edvin Cami (Departamenti i Studimeve Shkencore)

Kryetari i Shoqatës Bashkësia Dibrane, Dr. Faruk Borova, drejtojë diskutimin e Kryesisë së SHBD-ne, duke i shprehur dhe konsideratat më të larta të takimit që kishte patur para disa ditësh me Konsullin e Torinos Z. Giovanni Firera si dhe dy biznesmenët që e shoqëronin , që kërkonin të investonin në Qarkun e Dibrës. " Konsulli Firera më shprehu dëshirën për të vizituar Dibrën si dhe Kryetarin e Bashkisë së Dibrës së Madhe. Ai u tregua i gatshëm për të parë nga afër programin ekonomik dhe kulturorë të propozuar nga Shoqata Bashkësia Dibrane për zhvillimin industrial, ekonomik dhe social të Qarkut të Dibrës" u Shpreh Kryetari Borova.

Më pas pati diskutim të lirë nga ana e anëtarëve të kryesisë:
Fjalën e mori Z. Luan Pustina, kur e vuri theksin e diskutimit të tij tek një raport më i ngushtë ndërmjet përfaqësuesve të biznesit me shoqatën.
Njëkohësisht dhe Z. Avni Ndreu, foli mbi pjesëmarrjen më të gjere të dibranëve në aktivitetet e shoqatës Bashkësia Dibrane, për ti dhënë më gjallëri asaj.
Një propozim vjen erdhi nga Z. Islam Sharofi, i cili hodhi idenë, që për programin e aktiviteteve të shoqatës për periudhën ( Shtator 2010-Korrik 2011), të kujtohet si figurë e parë e personaliteteve dibrane të jetës politike dhe sociale, figura e Z. Abdurahman Dibra.
Për këtë Z. Sharofi propozoj një sesion shkencor i gërshetuar në fund dhe me një koktej për të pranishmit.
Ndërsa Z. Bujar Kapexhiu, duke qenë se mbulon aktivitetet kulturore, propozoj një projekt i cili do të bashkojë artistët dibranë të Shoqatës Bashkësia Dibrane me artistët Tiranës të Shoqatës Tirana, në një mbrëmje festive me këngë dhe valle të përbashkëta.
Si pikë e tretë e mbledhjes u ra dakord që më dt. 27 shtator 2010, anëtarë e Kryesisë së ShBD-ne, të kenë propozime konkrete për aktivitetet e shoqatës, dhe më pas të procedohet me caktimin kalendarik të datave të aktiviteteve.
Së fundmi u propozua që të realizohet dhe një mbrëmje Poetike Dibrane, me " Poezi dhe prozë nga tradita Dibrane".

K R Y E S I A E SH O Q A T Ë S

Monday, September 20, 2010

Takime


Bashkëpunim në fushën e Kulturës dhe Studimeve
mes Kryetarit të Shoqatës Bashkësia Dibrane
Dr. Faruk Borova dhe Drejtorit të AIITC Dr. Ramiz Zekaj.


Ditën e mërkurë në datën 15 shtator 2010, Kryetari i Shoqatës Bashkësia Dibrane,
Z. Faruk Borova zhvilloj një takim pune në një atmosferë miqësore dhe dashamirëse me Drejtorin e Institutit Shqiptar të Mendimit dhe Qytetërimit Islam, Z. Ramiz Zekaj. Ky Insitut i njohur ndryshe me inicialet në terminologjinë anglese si AIITC, është ndër të parit dhe të vetmit institut kërkimor-shkencor, i cili merret me studimet e traditës së arsimit, të kulturës, letërsisë, si dhe të studimeve Islame në Shqipëri dhe në sferën e rajonit të Ballkanit dhe më gjërë.
Në këtë takim pune, kryetari i shoqatës Bashkësia Dibrane, Z. Borova, i shprehu Drejtorit të AIITC-së, konsideratat më të larta si dhe opinionet më të mira të punës që ka bërë ky Institut në promovimin e vlerave qytetëruese dhe civilizuese si dhe në zhvillimin e performances së kulturës dhe edukimit Islam, në vendin tone si dhe në trevat shqipfolëse. Zoti Faruk Borova, pasi i bëri një përmbledhje të qëllimeve të shoqatës “Bashkësia Dibrane”, i ofroi Drejtorit të AIITC-së ftesën për të bashkëpunuar së bashku në veprimtari kulturore, studimore, si dhe shkencore të cilat lartësojnë në një pjedestal të lartë rolin dhe kontributin e Intelektualëve shqiptar, për mbrojtjen e kombit dhe të fesë në Shqipëri.
Nga ana tjetër Dr. Ramiz Zekaj, falenderoj përzemërsisht iniciativën e ndërmarrë nga ana e Dr. Faruk Borovës, për të vizituar ambjentet e Insitutit të Mendimit dhe Qytetërimit Islam. “ Jemi gati për të shtrirë dorën e bashkëpunimit në projektet e juaja, si dhe në projektet tona të përbashkëta” theksoi Z. Ramiz Zekaj. “Ne dhe në kaluarën kemi patur aktivitete me shoqatën tuaj, si dhe me drejtuesit e saj, por larmia dhe intesiteti i gjerë i punës sonë ka bërë që Instituti të shkëputej paksa nga realiteti i shoqatës Bashkësia Dibrane. Por ajo që është më e rëndësishmja theksoi Z. Ramiz Zekaj, është fakti se ju jeni sot këtu për të vendosur dimensione të reja bashkëpunuese me AIITC-në”. Instituti ynë sapo ka përmbushur një aktivitet tepër të rendësishëm në raport të marrëdhënieve mes Austrinë dhe Shqipërinë. Kështu para pak muajsh u zhvillua e para Konferencë Ndërkombëtare Shkencore mes AIITC-së dhe Universitetit të Vjenës, me temë: “ Formimi, e Drejta dhe Feja në Austri dhe Shqipëri” ku u kuptuan se mes sistemeve tona universitare, kulturore, por dhe juridike, ka mjaftë elemente të përafërta dhe të përbashkëta që duhen studiuar dhe krahasuar”, theksoi Z. Zekaj.
Në fund të këtij takimi Z. Borova i dhuroj Dr. R. Zekës, librin e tij me karakter studimor, “Dinastia Shqiptare që Sundoi Misirin (Egjiptin)”, libër i cili është një përmbledhje e studimeve të Dr. Faruk Borovës mbi dinastinë shqiptare që ka qeverisur Egjiptin, studim i kryer gjatë kohës kur ai ishte Ambasador i Akredituar i Republikës së Shqipërisë për Lindjen e Mesme, ndërsa nga ana tjetër Drejtori i AIITC-së, Z. Ramiz Zekaj i dhuroi Z. Borova botimin më të ri të Institutit, Fjalorin e Orientalizmave me autor Tahir Dizdarin, botim i realizuar nga AIITC.

Wednesday, September 15, 2010

Takime me biznesmene



Takimi i Kryetarit të Shoqatës “Bashkësia Dibrane” Dr. Faruk Borova me Konsullin e Torinos (Rajoni i Piemontes-Itali) Dott. Giovanni Firera.

Tiranë 10 SHTATOR 2010

Më date 10 shtator, ditën e premte, kryetari i shoqatës Bashkësia Dibrane Z. Faruk Borova, u takua në një darkë-pune me Konsullin e Torinos Z. Giovanni Firera. Konsulli Firera në këtë vizitë ishte i shoqëruar nga dy përfaqësues të botës së bisnesit Piemontes. Nga Z. Klaudio Piretto, tregtarë dhe sipërmarrës në Torino, si dhe nga Z. Bajram Sina, sipërmarrës shqiptar i cili jeton që prej 18 vitesh në Piemonte( Alessandria) dhe ka zhvilluar atje një aktivitet tepër të gjërë në fushën e industrisë së ndërtimit dhe konstruksionit imobilar. Ndër të tjera z. Borova tha se:
” Jemi tepër të kënaqur dhe krenar kur shohim që emigrantët shqiptar me shumë mund, sforcë dhe sfida ia kanë dalur mbarë për të kapërcyer barrjerat e emigracionit dhe të jenë sot, ndër bisnesmenët më të suksesshëm në Itali.” Ndërsa Z. Bajram Sina, theksoi se “emigracioni ynë gati 2 dekatash, forcoi tek ne ndjenjën e punës dhe të kurajos për të ecur drejt rrugës së bisnesit. Në këto rrugë po ecin dhe shumë shqiptar të tjerë, ku vite më pare ato ishin thjeshtë emigrant.”. Nga ana tjetër Kryetari Z. Borova i shprehu të pranishëmve synimet e shoqatës, prioritetet e saj, si dhe rëndësinë që mbart “Rruga e Arbërit”. Konsulli Firera, duke marrë fjalën mbështeti prioritetet ekonomike dhe kuluorore të shoqatës, për zonën e Dibrës. “Kam tepër dëshirë që të vizitojë Dibrën e Madhe dhe kryetarin e Bashkisë së Dibrës. Me to mund të fillojmë një sere bashkëpunimesh dypalëshe”, theksoi konsulli Firera. Z. Klaudio Piretto, duke bashkëbiseduar me Z. Borova, i tha atij që ti bënte një informacion mbi rajonin e Dibrës, si dhe vlerat industrial të saj. Z. Borova e informoj Z. Piretto, mbi projektete ekonomike dhe kulturore që ka ndërtuar kjo shoqatë, dhe që shumë shpejt pritet që fillojnë investimet konkrete. Në fund të darkës, Z. Borova i dhurojë Konsullit Firera, Z. Piretto, dhe bisnesmenit shqiptar Z. Bajram Sina, nga një kopje të librit të tij “Shqiptarët që Sunduan Misirin (Egjiptin)” me mbishkrimin e tij.